<<Համագործակցությունը որպես հաջողության բանաձև>> ծրագրի շրջանակներում սեպտեմբերի 23-ին ԳԵՄ գրասենյակում տեղի ունեցավ հանդիպում Գորիս համայնքի ավագանու անդամների հետ: Հանդիպմանը մասնակցում էին նաև փոխքաղաքապետ Տիգրան Բարխուդարյանը, աշխատակազմի ղեկավար Գագիկ Հայրապետյանը, Քաունթերփարթ ինթերնեյշնլ կազմակերպության ներկայացուցիչ Վահան Դանիելյանը , ինչպես նաև Գորիս համայնքի մի խումբ երիտասարդներ:
Ծրագրի ղեկավար Կարինե Մովսիսյանը ներկայացրեց ծրագրի ընդհանուր դրույթները և օրակարգը:
Փոխքաղաքապետ Տիգրան Բարխուդարյանը Գորիս համայնքի 2 ընթացիկ ծրագրերի օրինակով ցույց տվեց, որ ցանկության և համայնքային մտածելակերպի առկայության դեպքում մոբիլիզացնելով համայնքի ներքին և արտաքին ռեսուրսները հնարավոր է այդ համագործակցությունը օգտագործել ի շահ համայնքի զարգացմանը:
Կար նաև մեկ այլ կարծիք ավագանու անդամների կողմից, որ հնարավոր չէ նմանատիպ համագործակցություն Գորիս համայնքում, քանի որ ռեալ կյանքը այլ բան է ցույց տալիս:
Հանդիպումն անցավ բուռն կառուցողական քննարկման մթնոլորտում:
0 коммент.:
Post a Comment